វិធីកែសម្រួលផ្ទះសម្បែងឱ្យមានលក្ខណៈត្រឹមត្រូវ ទៅតាមក្បួនតម្រារបស់គេហសាស្ត្រនោះមានច្រើនសន្ធឹក សន្ធាប់ ។ ដូចជាការតុបតែងដោយប្រើវត្ថុមួយសម្រួលតុល្យភាព ក្នុងន័យជាសិរីមង្គលការផ្លាស់ប្តូរកន្លែងធ្វើការខ្លះនៅក្នុងផ្ទះ ឱ្យត្រឹមត្រូវទៅតាមគោលការណ៍ចម្បងរបស់គេហសាស្ត្រ ជាដើម ។
ការកែសម្រួលនូវចំណុចខ្វះខាតមាននៅក្នុងផ្ទះ និង វិធីដទៃៗទៀតដែលជួយសម្រាលនូវចំណុចអាក្រក់បាននោះ មានដូចជាក្រោមនេះ
ពណ៌ផ្ទៃមេឃ
ជាវត្ថុដែលតំណាងឱ្យភាពលូតលាស់រីកចម្រើនបាន យ៉ាងរហ័ស ហើយក៏ជាពណ៌ដែលតំណាងឱ្យភាពកក់ក្តៅ ។ ប្រសិនបើលោកអ្នកនាំយកពណ៌នេះទៅបំពេញនូវកន្លែងខ្វះខាតតុល្យភាព នៅក្នុងតួអគារ ឬផ្ទះសម្បែងនោះវានឹងជួយដោះ ស្រាយបញ្ហាភាពប្រេះឆាបែកបាក់ឈ្លោះប្រកែក គ្នាភាពហ្មងសៅ និងភាពសោះអង្គើយ ដែលធ្លាប់មាននៅក្នុងសង្គម គ្រួសារបាន ។
ពណ៌លឿង
បើតាមគោលការណ៍របស់គេហសាស្ត្របានពោលទុកថា ជាតំណាងនូវអំណាចឫទ្ធិបារមីជោគវាសនានិងទ្រព្យសម្បត្តិ ដល់ម្ចាស់គេហដ្ឋាន ។ គេមានជំនឿថា ពណ៌លឿងនេះ វាជួយភ្ញោចឱ្យមានចរន្តហូរនៃថាមពលផ្លូវចិត្តឱ្យចេញផុតពីភាពទន់ខ្សោយ ភាពហ្មងសៅ ភាពថោកទាបរបស់ម្ចាស់គេហដ្ឋាន ឱ្យរឹងមាំឡើងវិញ ព្រមទាំងជួយនាំលាភសក្ការៈហូរចូល កាន់តែច្រើនជាងមុនទៀតផង ។
ពណ៌ក្រហម
បើតាមគោលការណ៍របស់គេហសាស្ត្របានចារទុកថា ពណ៌ក្រហមជាពណ៌ដែលមានពាក់ព័ន្ធទៅនឹងរឿងលុយកាក់មាសប្រាក់ ។ ដូច្នេះហើយទើបពណ៌មួយនេះអាចជួយ ជំរុញផ្ចុងផ្តើមទៅក្នុងទ្រព្យសម្បត្តិលុយកាក់ មាសប្រាក់ ព្រមទាំងកត្តិយសកេរ្តិ៍ឈ្មោះដល់ម្ចាស់ផ្ទះនោះ ។
ពណ៌បៃតង
តាមគោលការណ៍ក្នុងគេហសាស្ត្របានកត់ត្រាទុកថា ពណ៌បៃតងនេះជាតំណាងឱ្យភាពស្ងៀមស្ងាត់ជួយជំរុញឱ្យ កើតភាពសមតាមបំណងប្រាថ្នាជួយសាងស្ថិរភាពសុវត្ថិភាព នៅក្នុងជីវិត និងទ្រព្យសម្បត្តិរបស់ម្ចាស់ផ្ទះបាន ។
ពណ៌ទឹកក្រូច
ជាពណ៌ដែលតំណាងឱ្យភាពសុខសប្បាយរីករាយ ស្រស់ស្រាយគំនិតស្រឡះជ្រះថ្លា ក្នុងន័យអភិវឌ្ឍន៍មាន សមត្ថភាពក្នុងការដោះស្រាយបញ្ហាដែលទាល់ច្រកភាពហ្មងសៅ នឹងជួយស្តារភាពរាថយ ដែលអាចប្រាកដមាននៅក្នុង ផ្នត់គំនិតរបស់ម្ចាស់ផ្ទះឱ្យមានសភាពរីករាយស្រស់ថ្លានៅក្នុង គំនិតឡើងវិញបានផងដែរ ។
ពណ៌ស៊ីជម្ពូ
នៅក្នុងក្បួនរបស់គេហសាស្ត្របានពោលទុកថា ពណ៌ ស៊ីជម្ពូនេះតំណាងឱ្យនូវក្តីស្រឡាញ់ ភាពស្រស់ស្អាត ភាពទន់ ភ្លន់ សុភាពរាបសានិងការព្រួយបារម្ភពីគ្នានឹងគ្នា ។ ប្រសិន បើលោកអ្នកមានគម្រោងកែសម្រួលផ្ទះសម្បែងឱ្យល្អប្រសើរ ជាងមុននោះ ព្រោះវាអាចជួយដោះស្រាយបញ្ហាស្ពឹកស្រពន់ ភាពចចេសរឹងរូសត្រគោះបោះបោក និងភាពព្រហើនកោង កាចបានល្អបំផុត ។
ពណ៌ស្វាយ
បើតាមគោលការណ៍ក្នុងគេហសាស្ត្របានសរសេរទុកថា ពណ៌ស្វាយនេះត្រូវបានគេចាត់ទុកថាជាពណ៌ជួយ ទំនុកបម្រុងផ្ចុងផ្តើមរាសីទៅក្នុងរឿងគង់វង្សស្ថិតស្ថេរប្រកប ដោយសេចក្តីសុខមានកេរ្តិ៍ឈ្មោះនិងយសស័ក្តិដល់ម្ចាស់ផ្ទះ ។ មិនតែប៉ុណ្ណោះឈានរហូតដល់ការជួយដោះស្រាយបញ្ហា រឿងថាមពលដែលទុចស្ទះលែងមានចលនាក្នុងផ្ទៃអគារ ឬ ផ្ទះសម្បែងឱ្យមានចលនាយ៉ាងរលូនឡើងវិញទៀតផង ។ ជាងនេះទៅទៀតពណ៌ស្វាយនេះក៏ជួយលើករាសីទៅក្នុងរឿង ភាពគោរពរាប់អានលើកតម្កើងកោតសរសើរដល់ម្ចាស់ផ្ទះផងដែរ ។
